Iṣẹ́ AJÍMẸ́FUN, Iṣẹ́ àṣejèrè

[Tijani Salam]

*AJÍMẸ́FUN*

Iṣẹ́ AJÍMẸ́FUN, Iṣẹ́ àánú
Iṣẹ́ AJÍMẸ́FUN, Iṣẹ́ àṣejèrè
Iṣẹ́ AJÍMẸ́FUN, Iṣẹ́ atóríṣe.
Iṣẹ́ Ọ̀làjú, Iṣẹ́ àwọn Ọ̀jọ̀gbọ́n.
Iṣẹ́ Olùkọ́ wù mí yéye!

Olórí kíkú kì í ṣe é
Ọlọ́pọlọ pípé ní ṣiṣẹ́ ẹfun
Ọ̀mọ̀wé ènìyàn,
Ní í ṣiṣẹ́ Olùkọ́
Gbogbo olórí kíkú ọmọ
Ló ti d’ọlọ́pọlọ pípé ọmọ
Láti ipasẹ̀ Olùkọ́

Gbogbo akékọ̀ọ́ tí kò nímọ̀ rárá
Ṣe bí Olùkọ ló bu omi ọgbọ́n fún wọn mu?
Tí wọ́n d’ẹni tó jáfáfá
Tí wọ́n d’ẹni tó lóye!
Tí wọ́n d’èèyàn àtàtà láwùjọ
Iṣẹ takuntakun ni Olùkọ́ ń se.

Iṣẹ́ Olùkọ́!
Iṣẹ́ àṣelà
Iṣẹ́ olùkọ́!
Iṣẹ́ ìdùnnú ni
Ta ló ń f’ẹnu sáátá iṣẹ́ olùkọ́?
Asínwín ènìyàn ní pe olùkọ́ lólè.

Gbogbo òbí tó bá fojú tẹ́ńbẹ́lú wo Tísà láyé,
Kò fẹ́ k’ọ́mọ rẹ̀ níláárí láyé nù un.
Òbí tó bá r’Ólùkọ́ fín,
Yóò dá ọmọ rẹ̀ kọ́ ní kọ̀rọ̀ yàrá.

Ẹ jẹ́ ká gb’ọ́lá fún gbogbo AJÍMẸ́FUN
Ẹ jẹ́ ká ṣè’bà fún gbogbo Olùkọ́ àwa.
Mo fẹ́ d’adájọ́
Mo fẹ́ di dókítà
Kò ṣe é f’ẹnu lásán jẹ́
Láìgba iwájú Olùkọ́ kọjá.

B’éèyàn yóò di Ààrẹ Orílẹ̀-èdè láyé,
Iwájú Olùkọ́ ni yóò ti bu omi ọgbọ́n mu.
Gbogbo ẹni di Gómìnà lónìí
Ti b’omi ọgbọ́n mu lọ́wọ́ AJÍMẸ́FUN.

*ORIN*
Àdúrà mẹ́ta ló yẹ Tísà mi; (2x)
Kó lówó, kó sì rérè jẹ.
K’ẹni ẹlẹ́ni má gbàṣe rẹ̀ ṣe.
Kó tún re ìlú òyìnbó ooooo.

Igi eléso jìngbìnnì; (2x)
Tísà ló so dókítà
ÈGBÈ: Igi eléso jìngbìnnì
Tísà ló so lọ́yà.
ÈGBÈ: Igi eléso jìngbìnnì
Tísà ló so báńkà.
ÈGBÈ:Igi eléso jìngbìnnì.

*If you are a teacher, appreciate yourself.*

*God bless all our teachers*
. Good morning

[Author]

Posts